За време на неколкучасовната прошетка по Белградската тврдина ќе поминете низ повеќе од 2500 години историја: од времето кога Келтите имале своја тврдина тука, па сѐ до денес. Остатоците од Римското, Византиското, Османлиското и Австроунгарското царство и неверојатно мистериозните и романтизирани приказни што ги следат, се видливи како на тврдината, така и под неа, во Белград под Белград.
Сликајте се кај Внатрешната порта на Стамбол со витези од средниот век, испробајте се во стрелаштво недалеку од Деспотов порта и Зиндан порта, а потоа симнете се во атрактивната туристичка дестинација – подземен Белград. Преку изложбата на надгробни споменици и стели, магацинот за барут ве враќа во периодот од првиот до четвртиот век, а Римскиот бунар со своите таинствени приказни во 18 век. Дали знаете дека познатиот режисер Алфред Хичкок бил одушевен од ова мистериозно место за време на посетата на Белград и дека овде сакал да го сними својот нов хорор филм?
Од времето на Деспот Стефан до Југославија, од турското Турбе до црквата Ружица и капелата Света Петка, оваа тврдина на секој чекор ги испреплетува духот на времето и историјата, фактите и неодговорените прашања кои ги тераат туристите да размислуваат. Затоа, Белградската тврдина, една од седумте тврдини на Дунав во Србија, треба да се истражува полека, без брзање, со кафе или сладолед во рака и непречено да се потоне во нејзиниот свет.
Преку ден, ѕидините со поглед на местото каде што Сава се влева во Дунав ќе ве врати во богатото и бурно минато на некогашниот Сингидунум, а приквечер ќе посакате заедно со белграѓани да учествувате во еден од најромантичните настани – гледање на зајдисонцето: во пар, секако.
Големиот воен остров и Земун од десната страна, а Нови Београд и Савското пристаниште од левата страна, со споменикот на Победникот во средина, заштитникот на главниот град на Србија, ќе се најдат на вашата фотографија ако се качите на место каде што отсекогаш се правеле. Од ридот каде што мештаните со години се сликаат, панорамскиот поглед е најубав, а туристите немаат поим дека стојат на бункер од времето на Југославија, уште една од бројните локации со незаборавни приказни од Белград.
