Кога ќе се спомене планинарење и пешачење, посетителите најчесто мислат дека треба да имаат исклучителна физичка кондиција. Фрушка Гора е пример дека секој љубопитен патник кој сака природа може да помине убав ден поминувајќи низ шумата и да не се измори, додека на стрмните делови под нозете потпукнуваат гранчиња. Пешачките патеки на оваа планина се многу пристапни за голем број луѓе, толку што на некои може да поведете и дете.

Најдобро е да земете мапа на пешачките патеки и да изберете по која ќе тргнете во зависност од тоа што би сакале да видите попат. Проверете до кој видиковец или до кој манастир ќе ве однесе одредена патека.

Фрушка Гора е позната како „српската Света Гора“ поради 16-те манастири. Речиси никаде нема да најдете толку манастири на толку мала површина. Кај секој православен храм постои извор и манастирска населба. Дознајте кој манастир е основан од Ѓураѓ Бранковиќ на почетокот на 14 век. Знаете ли дека тука се наоѓа и неговата прва задужбина?

Пронајдете го манастирот што го основал Ѓураѓ Бранковиќ

Со одредени манастири се поврзуваат и извори на „лековита вода“. Проверете на кој од нив сѐ уште постои вклесан натпис за благодарност од извесен дубровчанец за кој се вели дека се излекувал од тешка болест.

Едно од најатрактивните места за излет на Фрушка Гора е Змајевац, па посетителите често се ориентираат според него. Од Змајевац може да се спуштите до Врдник или до Раковачка пештера. По една патека се стига до Ледничко езеро и Иришки венец, по друга до популарниот видиковец Бранковац. Само во живо може да се уверите дека од тука се гледа баш цел Нови Сад.

Оние кои сакаат да се испробаат во малку поинтензивно одење ќе ги израдува фактот што патеките на Фрушка Гора водат и кон Сремски Карловци. Проверете си ја физичката подготвеност и прошетајте низ листопадните шуми до Стражилово. Таму ќе ве одведе кривулест пат. Дознајте зошто баш овде се одмораат камперите и планинарите.