Не грижете се ако по искачување 214 скалила, од подножјето и црквата Свети Јурај, стигнете задишани до врвот на Петроварадинската тврдина. Бидејќи кога ќе ја видите прекрасната панорама на Нови Сад од едната страна и познатиот гигантски часовник од другата страна, покрај убавиот син Дунав, веднаш ќе заборавите на заморот и стрмните скали, а тврдината повторно ќе ве инспирира да продолжите да шетате по неа.

Ја граделе Австријците од 1692 до 1780 година за да се заштитат од непријателите во Војводинската рамнина, поради што често се нарекува Гибралтар на Дунав.

Колку што е убава однадвор како воена тврдина, толку е мистериозна под површината, каде што пеш може да се симнете неколку ката, задолжително со специјализиран водич. Под тврдината има тајни премини и ходници долги 20 километри кои ги користеле војските што престојувале тука. Има дури и еден бунар, а катакомбите одат и до 3 метри под Дунав! Дали има премин под Дунав до центарот на Нови Сад? Вечна загатка. Ќе оставиме да го откриете тоа на самата тврдина.   

На познатата локација на тврдината, малата стрелка ги покажува минутите, а големата го покажува часот, а во лето брза напред и во зима доцни.

Кафе, ручек или десерт? Нема изговор да не се проба куглофот со ореви, суво грозје или чоколадо, кој во овие краишта пристигнал од странство, и штрудлата со афион, а особено со прекрасен поглед на Дунав од еден од рестораните.

По должината на бедемот, едно до друго, се наредени сликарски ателјеа. Ѕирнете во нивниот свет, а уметниците неретко и лично ќе ве пречекаат во нивното креативно катче. Посебна атракција се driftwood art, уметнички дела од дрва што ги исфрлил Дунав. Тоа се најбараните сувенири од рециклирани материјали.

Ако имате среќа, може да го затечете мајсторот за часовници како рачно го навива механизмот на познатиот часовник на кулата. И додека гледате во стрелките на „пијаниот часовник“, подарок од австриската царица Марија Терезија за Нови Сад, на кој малата стрелка ги покажува минутите, а големата часот, и кој во лето брза, а во зима доцни, тоа ќе биде добар момент за планирање нова посета на Петроварадинската тврдина: можеби баш налето, кога овде се одржува најпознатиот фестивал на популарна музика, Exit.